پاکستان کے آرمی چیف عاصم منیر کل تہران پہنچ کر ایرانی حکام سے ملاقات کریں گے

پاکستان افواج کے سربراہ فیلڈ مارشل سید عاصم منیر منگل کو ایران کے دارالحکومت تہران پہنچیں گے، جہاں وہ ایرانی حکام سے ملاقاتیں کریں گے۔ ایرانی تسنیم نیوز ایجنسی کے مطابق فیلڈ مارشل عاصم منیر کے دورہ ایران کے دوران دونوں ملکوں کے درمیان دوطرفہ تعاون اور اہم امور پر تبادلہ خیال کیا جائے گا۔ دورے میں خطے کی تازہ صورت حال بھی زیر بحث آنے کا امکان ہے۔ رپورٹ کے مطابق پاکستان کی جانب سے امریکہ اور ایران کے درمیان ثالثی کی کوششیں بھی فیلڈ مارشل عاصم منیر کے دورہ تہران کے ایجنڈے میں شامل ہیں۔ پاکستان فروری میں امریکہ اور اسرائیل کے ایران پر حملے کے بعد سے دونوں ملکوں کے درمیان ثالثی میں فعال کردار ادا کرتا رہا ہے، جس کے نتیجے میں خطے میں فوجی تنازع شروع ہوا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) پاکستان نے اپریل میں دونوں ملکوں کے درمیان مذاکرات کی میزبانی کی، جبکہ جون میں عارضی جنگ بندی کا معاہدہ کرانے میں بھی کردار ادا کیا، تاہم یہ معاہدہ جولائی میں ختم ہو گیا۔ اس کے بعد سے آبنائے ہرمز اور اس کے گرد و نواح میں کشیدگی کا سلسلہ جاری ہے۔ فیلڈ مارشل عاصم منیر کا یہ دورہ ایسے وقت ہو رہا ہے جب مشرق وسطیٰ میں کشیدگی بدستور برقرار ہے اور امریکہ ایرانی بندرگاہوں کی بحری ناکہ بندی کے جواب میں بحری جوابی ناکہ بندی جاری رکھے ہوئے ہے۔ تہران نے واشنگٹن پر زور دیا ہے کہ وہ آبنائے ہرمز کو دوبارہ کھولنے کی اس کی تجویز قبول کرے۔ یہ سمندری راستہ عالمی تجارت کے لیے انتہائی اہم ہے، جہاں جنگ شروع ہونے سے پہلے دنیا کی تقریباً 20 فیصد تیل اور گیس کی رسد گزرتی تھی۔ دوسری جانب امریکی صدر ڈونلڈ ٹرمپ نے ایران پر جوہری حملہ کرنے کے امکان کو مسترد کیا ہے، تاہم گذشتہ ہفتے ایک امریکی کیبل نیوز ادارے کو انٹرویو دیتے ہوئے انہوں نے ایران کی جوہری تنصیبات پر مزید حملوں کا امکان ظاہر کیا تھا۔ ایران جنگ پاکستان ثالثی پاکستان افواج کے سربراہ فیلڈ مارشل سید عاصم منیر منگل کو ایران کے دارالحکومت تہران پہنچیں گے، جہاں وہ ایرانی حکام سے ملاقاتیں کریں گے۔ انڈپینڈنٹ اردو سوموار, اکتوبر 19, 2026 – 23: 30 Main image: ایشیا type: news related nodes: امریکہ – ایران، مستقل امن کے لیے مذاکرات جنگ سے بہتر ہیں: محسن نقوی پاکستان، ایران سرحدی گزرگاہیں بند، تجارتی سرگرمیاں معطل ایرانی قانون ساز کا بیان سیاق و سباق میں دیکھنے کی ضرورت ہو سکتی ہے: پاکستان امریکہ ایران مکالمہ پاکستان کی کوششوں کا نتیجہ: گوتیریش SEO Title: پاکستان کے آرمی چیف عاصم منیر کل تہران پہنچ کر ایرانی حکام سے ملاقات کریں گے copyright: show related homepage: Hide from Homepage

Read full story on Independent Urdu