کیپ ورڈے 20 سال میں پہلی ایسی ٹیم بن گئی، جو پہلی بار ورلڈ کپ کھیلتے ہوئے ناک آؤٹ مرحلے میں پہنچ چکی ہے۔ جمعے کی شب ہیوسٹن میں گروپ ایچ کے آخری میچ میں کیپ ورڈے نے سعودی عرب کے خلاف میچ صفر صفر سے ڈرا ہونے کے بعد یہ اعزاز حاصل کیا۔ افریقہ کے بحر اوقیانوس کے ساحل کے قریب واقع جزائر پر مشتمل یہ ملک ٹورنامنٹ کی تاریخ میں کوالیفائی کرنے والا تیسرا سب سے چھوٹا ملک ہے۔ گذشتہ اکتوبر میں اس نے اپنے کوالیفائنگ گروپ میں پہلی پوزیشن حاصل کی تھی، جس میں افریقہ کی روایتی مضبوط ٹیم کیمرون بھی شامل تھی۔ کیپ ورڈے اب ورلڈ کپ 2026 کے دوسرے مرحلے میں پہنچنے والا تاریخ کا سب سے چھوٹا ملک بن گیا ہے۔ اس نے گروپ میں دوسری پوزیشن حاصل کی۔ کیپ ورڈے کے تین میچوں سے تین پوائنٹس تھے۔ سعودی عرب دو پوائنٹس کے ساتھ تیسرے اور یوراگوئے بھی دو پوائنٹس کے ساتھ چوتھے نمبر پر رہا۔ جمعے کی شب گروپ کے دوسرے میچ میں سپین نے یوراگوئے کو ایک صفر سے شکست دی۔ سپین سات پوائنٹس کے ساتھ گروپ میں پہلے نمبر پر رہا۔ فیفا عالمی رینکنگ میں 64ویں نمبر پر موجود کیپ ورڈے نے اس تاریخی کامیابی کی بنیاد 15 جون کو اپنے پہلے میچ میں رکھی تھی، جب اس نے ٹورنامنٹ سے پہلے فیورٹ سمجھے جانے والے سپین کو صفر صفر سے برابر روکا تھا۔ 26 جون 2026 کو ہیوسٹن سٹیڈیم میں ورلڈ کپ کے گروپ ایچ میچ کے دوران سعودی عرب کے کھلاڑی محمد ابو الشامات اور کیپ ورڈے کے فارورڈ ہیلیو واریلا گیند حاصل کرنے کی کوشش کر رہے ہیں (اے ایف پی) اب کیپ ورڈے اگلے جمعے کو میامی گارڈنز میں دفاعی چیمپیئن ارجنٹائن کا سامنا کرے گا۔ سعودی عرب مسلسل چھٹی بار ورلڈ کپ میں ناک آؤٹ مرحلے تک پہنچنے میں ناکام رہا۔ اس نے 1994 میں اپنے پہلے ورلڈ کپ میں آخری 16 ٹیموں میں جگہ بنائی تھی۔ جمعے سے پہلے گھانا اور یوکرین آخری ایسی ٹیمیں تھیں، جنہوں نے 2006 میں پہلی بار ورلڈ کپ کھیلتے ہوئے اپنے گروپ سے اگلے مرحلے میں جگہ بنائی تھی۔ یہ کیپ ورڈے کا دوسرا صفر صفر سے برابر میچ تھا، لیکن اس میچ میں وہ زیادہ جارحانہ ٹیم دکھائی دی اور اگلے مرحلے میں پہنچنے کی حق دار تھی۔ کیپ ورڈے نے میچ کا سب سے بہترین موقع 74ویں منٹ میں بنایا۔ نونو دا کوسٹا نے اپنے ہی ہاف سے آنے والی ایک لمبی تھرو بال پر دوڑ لگائی، دو سعودی دفاعی کھلاڑیوں کی طرف بڑھے اور پھر گیند دائیں جانب تیزی سے آگے آتے لاروس دوارٹے کے راستے میں ڈال دی۔ گول کیپر محمد الاویس اپنی لائن سے آگے نکلے اور دوارٹے کی پہلی ہی کوشش کو بڑی مشکل سے اپنی پچھلی ٹانگ سے روک لیا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اس کے بعد بھی کیپ ورڈے، خاص طور پر دا کوسٹا کے ذریعے، سعودی گول کے لیے خطرہ بنتی رہی۔ العویس کے سیو کے چند منٹ بعد دا کوسٹا ایک بار پھر دفاع کے پیچھے نکلے، لیکن تنگ زاویے سے ان کی شاٹ باہر چلی گئی۔ دوسرے ہاف کے اضافی وقت میں بھی انہیں ایک واضح موقع ملا، مگر ان کی کوشش معمولی فرق سے باہر گئی۔ تاہم بعد میں لائنز مین نے آف سائیڈ کا جھنڈا بھی اٹھا دیا۔ پہلے ہاف میں کیپ ورڈے نسبتاً بہتر ٹیم رہی، لیکن گول پر واحد واضح کوشش سعودی عرب کی طرف سے آئی۔ اضافی وقت میں محمد کنو کا ہیڈر گول کیپر ووزینہ نے آسانی سے قابو کر لیا۔ کیپ ورڈے نے دوسرے ہاف کے تین منٹ بعد گول پر اپنی پہلی کوشش کی، جب جمیرو مونٹیرو نے ریان مینڈس کے کراس تک پہنچ کر شاٹ لگائی، مگر یہ کمزور کوشش سیدھی العویس کے پاس گئی۔ سعودی عرب نے دو تبدیلیوں کے بعد کچھ دیر کے لیے کھیل بہتر کیا۔ میدان میں آنے کے چند لمحوں بعد محمد ابو الشامات نے 67ویں منٹ میں ووزینہ کو ایک مشکل سیو پر مجبور کیا۔ سپین کے خلاف پہلے میچ میں ہیرو رہنے والے ووزینہ نے جمعے کے میچ کا اختتام تین گول روک کر کیا۔ فیفا ورلڈ کپ 2026 فٹ بال کھیل کھلاڑی ہیوسٹن میں گروپ ایچ کے آخری میچ میں کیپ ورڈے نے سعودی عرب کے خلاف میچ صفر صفر سے ڈرا ہونے کے بعد یہ اعزاز حاصل کیا۔ روئٹرز ہفتہ, جون 27, 2026 – 10: 45 Main image:
کیپ ورڈے کے کھلاڑی 26 جون 2026 کو ہیوسٹن کے سٹیڈیم میں سعودی عرب کے خلاف ورلڈ کپ 2026 کے میچ کے بعد خوشی کا اظہار کر رہے ہیں (اے ایف پی)
فٹ بال type: news related nodes: فیفا نے خاموشی سے ورلڈ کپ سٹیڈیمز کے لوگو مٹا دیے لامین یامال فِٹ لیکن فیفا ورلڈ کپ کا پہلا میچ نہیں کھیلیں گے: ہسپانوی کوچ فیفا ورلڈ کپ کے افتتاحی میچ میں پہلی بار تین ریڈ کارڈز فیفا ورلڈ کپ کا جنون، کراچی کے بازاروں میں خریداروں کا رش SEO Title: فیفا ورلڈ کپ: ناک آؤٹ مرحلے میں پہنچنے والا سب چھوٹا ملک کیپ ورڈے copyright: show related homepage: Hide from Homepage
