اتوار کو ٹرینیڈاڈ کے برائن لارا سٹیڈیم میں پہلے ٹیسٹ کے دوسرے دن کے اختتام پر شان مسعود نے پاکستان کی جانب سے ایک مضبوط جوابی اننگز کو سنبھالا، اور ویسٹ انڈیز کی پہلی اننگز کے 311 رنز کے مجموعے کے جواب میں مہمان ٹیم تین وکٹوں کے نقصان پر 199 رنز تک پہنچ گئی۔ شان مسعود کے ناقابل شکست 88 اور اوپننگ بلے باز امام الحق کے 63 رنز نے اس بات کو یقینی بنایا کہ میزبان ٹیم کے تین وکٹوں پر 194 رنز کی اپنی گذشتہ رات کی پوزیشن سے لڑکھڑانے کے بعد یہ دن تقریباً مکمل طور پر مہمان ٹیم کے نام رہے۔ محمد علی نے چار وکٹیں حاصل کیں اور یوں پاکستانی فاسٹ بولرز نے پہلے دن کی غیر تسلی بخش کارکردگی کا ازالہ کر دیا۔ مئی میں بنگلہ دیش میں سیریز میں 0-2 کی شکست کے بعد کپتانی سے ہٹائے جانے والے شان مسعود کو ابتدا میں خوش قسمتی کا ساتھ ملا اور پھر وہ آخر میں ایک خطرے سے بھی بچ نکلے۔ پاکستان کے محمد عباس 26 جولائی کو ویسٹ انڈیز کے خلاف پہلے ٹیسٹ میچ کے پہلے دن دو وکٹیں لیں (اے ایف پی) تاہم اس دوران 36 سالہ کھلاڑی نے عمدہ بلے بازی کی۔ ان کی اننگز اب تک 137 گیندوں پر محیط ہے جس کے دوران انہوں نے 11 چوکے لگائے۔ کیمار روچ کی گیند پر اذان اویس کے جلد آؤٹ ہونے کے بعد، امام الحق کے ساتھ ان کی دوسری وکٹ کے لیے 155 رنز کی شراکت تپتی دوپہر کے دوران تقریباً رن اے بال کی رفتار سے بنی جب ویسٹ انڈیز کے بالرز لائن اور لینتھ میں کوئی تسلسل برقرار رکھنے میں ناکام رہے، اور انہیں اس کی بھاری قیمت چکانا پڑی کیوں کہ کڑی دھوپ میں دونوں بائیں ہاتھ کے بلے بازوں نے خوب رنز بنائے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) شمار جوزف اور جیڈن سیلز نے آخری سیشن میں امام الحق اور بابر اعظم کی وکٹیں حاصل کر کے توازن کسی حد تک بحال کر دیا، دائیں ہاتھ کے تجربہ کار بلے باز، جنہیں اس مختصر سیریز کے لیے دوبارہ کپتان مقرر کیا گیا تھا، خراب روشنی کے باعث کھلاڑیوں کے آخری بار میدان سے باہر جانے سے ٹھیک پہلے آؤٹ ہوئے۔ ویسٹ انڈیز کی پہلی اننگز ہفتے کو ٹیسٹ کے دوسرے دن ویسٹ انڈیز نے اپنی پہلی اننگز 194 رنز تین کھلاڑی آؤٹ سے آگے بڑھائی۔ کاویم ہوج 84 رنز بناکر آؤٹ ہوئے اور شائی ہوپ نے 92 رنز کی اننگز کھیلی۔ ویسٹ انڈیز کی پوری ٹیم کھانے کے وقفے کے بعد 311 رنز بناکر آؤٹ ہوگئی۔ پاکستان کی جانب سے محمد علی نےچار کھلاڑیوں کو آؤٹ کیا، محمد عباس نے تین،خرم شہزاد نے دو اور عامر جمال نے ایک وکٹ حاصل کی۔ ٹیسٹ سیریز کرکٹ ویسٹ انڈیز کرکٹر کرکٹ ٹیم محمد علی نے چار وکٹیں حاصل کر کے پاکستانی فاسٹ بولرز نے پہلے دن کی غیر تسلی بخش کارکردگی کا ازالہ کر دیا۔ اے ایف پی سوموار, جولائی 27, 2026 – 08: 45 Main image:
26 جولائی، 2026 کو ٹرینیڈاڈ میں ویسٹ انڈیز اور پاکستان کے درمیان پہلے ٹیسٹ میچ کے دوسرے دن کے دوران شان مسعود (بائیں) امام الحق (دائیں) کو 50 رنز مکمل کرنے پر مبارکباد دے رہے ہیں (اے ایف پی)
کرکٹ type: news related nodes: کون سی نگری ویزا فری: ٹرینیڈاڈ اینڈ ٹوبیگو، بغیر ویزا مگر براہ راست فلائیٹ نہیں ٹرینیڈاڈ ٹیسٹ: ویسٹ انڈیز کے پاکستان کے خلاف 194 رنز پاکستان، ویسٹ انڈیز کل برائن لارا سٹیڈیم میں پہلے ٹیسٹ میں آمنے سامنے دورہ ویسٹ انڈیز اور انگلینڈ: بابر اعظم کی بطور ٹیسٹ کپتان واپسی SEO Title: پہلے ٹیسٹ کا دوسرا دن: ویسٹ انڈیز کے 311 کے جواب میں پاکستان کے 199 رنز copyright: show related homepage: Hide from Homepage
