کاویم ہوج کی ثابت قدمی سے کھیلی گئی 83 رنز کی ناقابل شکست اننگز اور شائی ہوپ کے ساتھ چوتھی وکٹ کے لیے ان کی شراکت داری کی بدولت ویسٹ انڈیز نے ہفتے کو ٹرینیڈاڈ کے برائن لارا سٹیڈیم میں پاکستان کے خلاف پہلے ٹیسٹ کے بارش سے متاثرہ پہلے دن کے اختتام پر تین وکٹوں کے نقصان پر 194 رنز بنا لیے ہیں۔ ٹیسٹ کرکٹ کے نئے ترین میدان، جو کیریبیئن میں 13واں ٹیسٹ مقام ہے، کی پچ پر تیزی سے رنز بنانا مشکل تھا، جب کہ مہمان ٹیم کے فاسٹ بولرز بھی اس سست پچ کا فائدہ اٹھانے کے لیے درکار تیزی اور کاٹ سے محروم رہے۔ ہوج نے کریز پر چار گھنٹے گزار کر بھرپور ثابت قدمی دکھائی۔ صرف محمد عباس کی مسلسل نپی تلی بولنگ نے انہیں کسی حد تک مشکل میں ڈالا۔ وہ اب تک 181 گیندوں کا سامنا کر چکے ہیں اور ان کی اننگز میں نو چوکے شامل ہیں۔ اینٹیگا میں سری لنکا کے خلاف دوسرے اور آخری ٹیسٹ میں اسی ماہ سنچری بنانے والے شائی ہوپ نے ایک بار پھر پرسکون اور پراعتماد انداز میں بیٹنگ کی۔ انہوں نے ہوج کے ساتھ ناقابل شکست شراکت میں 39 رنز بنائے اور سہ پہر کے وسط میں تین وکٹوں پر 106 رنز کی مشکل صورت حال سے میزبان ٹیم کو نکالا۔ ویسٹ انڈیز کے کاویم ہوج 25 جولائی, 2026 کو ٹرینیڈاڈ میں ویسٹ انڈیز اور پاکستان کے درمیان پہلے ٹیسٹ میچ کے پہلے دن چوکا لگا رہے ہیں (اے ایف پی) مسلسل بارش کے باعث صرف ایک گھنٹے سے کچھ زیادہ کھیل ممکن ہو سکا۔ اس سے قبل ویسٹ انڈیز کے کپتان روسٹن چیز نے ٹاس جیت کر پہلے بیٹنگ کا فیصلہ کیا تھا۔ اسی دوران محمد عباس نے ابتدا ہی میں برینڈن کنگ کو آؤٹ کر دیا، جو آف سٹمپ سے باہر جاتی گیند کو اپنے سٹمپس پر کھیل بیٹھے۔ کھانے کے مقررہ وقفے کے نصف گھنٹے بعد کھیل دوبارہ شروع ہوا تو ہوج اور دوسرے اوپنر ٹیگنارائن چندرپال نے دوسری وکٹ کی شراکت 51 رنز تک پہنچائی۔ پھر عامر جمال کی گیند چندرپال کے بلے کا کنارا لے کر دوسری سلپ میں گئی، جہاں سلمان آغا نے کیچ پکڑ لیا۔ مزید وکٹیں لینے کی خواہش نسبتاً ناتجربہ کار پاکستانی بولنگ اٹیک کے سب سے تجربہ کار بولر محمد عباس نے اس کے بعد عامر جنگو کو ایل بی ڈبلیو کر دیا۔ میدان میں موجود امپائر نے انہیں ناٹ آؤٹ قرار دیا، لیکن فیصلے کے جائزے کے نظام کے تحت ریویو لینے پر یہ فیصلہ بدل دیا گیا۔ 19 اوورز میں 44 رنز دے کر دو وکٹیں لینے والے عباس نے دن کے کھیل کے بارے میں کہا، ’مجموعی طور پر یہ ہمارے لیے خاصا اچھا دن تھا، اگرچہ ہم مزید دو وکٹیں لینا چاہتے تھے۔‘ یہ پچ کچھ سست ہے۔ میچ سے ایک دن پہلے اسے ڈھانپ کر رکھا گیا تھا، اس لیے اس سے کوئی فائدہ اٹھانے کے لیے بہت محنت کرنا پڑتی ہے۔‘ آخری سیشن میں صرف عباس ہی ہوج کو مشکل میں ڈال سکے۔ انہوں نے ڈومینیکا سے تعلق رکھنے والے دائیں ہاتھ کے بلے باز کے خلاف ایل بی ڈبلیو کا فیصلہ حاصل کر لیا لیکن ریویو پر یہ فیصلہ بدل دیا گیا۔ دو اوورز بعد انہوں نے ایک مرتبہ پھر ایل بی ڈبلیو کی اپیل کی جو خاصی قریب تھی، مگر ٹی وی ٹیکنالوجی کے مطابق اتنی قریب نہیں تھی کہ میدان میں دیے گئے ناٹ آؤٹ کے فیصلے کو بدلا جا سکے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) پاکستان کے فاسٹ بولرز نے ویسٹ انڈیز کے بلے بازوں کو کھل کر رنز بنانے نہیں دیے، لیکن وہ زیادہ خطرناک دکھائی نہ دیے۔ عامر جمال اس معاملے میں نمایاں استثنیٰ رہے، جنہوں نے 10 اوورز میں 54 رنز دیے۔ پہلا ٹیسٹ کھیلنے والے بائیں ہاتھ کے سپنر علی عثمان نے 12 کفایتی اوورز کیے، لیکن وہ کسی موقع پر بھی مخالف بلے بازوں کے لیے بڑا خطرہ ثابت ہوتے دکھائی نہیں دیے۔ ٹیسٹ سے قبل دونوں ٹیموں کو غیر متوقع تبدیلیاں کرنا پڑیں۔ ایک حیران کن پیش رفت میں فاسٹ بولر الزاری جوزف نے ذاتی وجوہات کی بنا پر میزبان ٹیم کی جانب سے کھیلنے سے انکار کر دیا، جبکہ پاکستانی بلے باز عبداللہ فضل کمر کی چوٹ کے باعث اس سیریز اور اس کے بعد انگلینڈ میں ہونے والی سیریز سے بھی باہر ہو گئے۔ ویسٹ انڈیز کرکٹ ٹیسٹ سیریز فاسٹ بولنگ پاکستان کے فاسٹ بولرز نے ویسٹ انڈیز کے بلے بازوں کو کھل کر رنز بنانے سے تو روکا لیکن زیادہ خطرناک ثابت نہ ہو سکے۔ اے ایف پی اتوار, جولائی 26, 2026 – 07: 30 Main image:
پاکستان کے محمد عباس 26 جولائی کو ویسٹ انڈیز کے خلاف پہلے ٹیسٹ میچ کے پہلے دب دو وکٹیں لیں (اے ایف پی)
کرکٹ type: news related nodes: پاکستان، ویسٹ انڈیز کل برائن لارا سٹیڈیم میں پہلے ٹیسٹ میں آمنے سامنے دورہ ویسٹ انڈیز اور انگلینڈ: بابر اعظم کی بطور ٹیسٹ کپتان واپسی ویسٹ انڈیز نے 34 سال بعد پاکستان سے ون ڈے سیریز جیت لی دورہ ویسٹ انڈیز: پاکستان کا ون ڈے سیریز میں فتح سے آغاز SEO Title: پہلے ٹیسٹ کا پہلا دن بارش سے متاثر: ویسٹ انڈیز کے پاکستان کے خلاف 194 رنز copyright: show related homepage: Hide from Homepage
