امریکہ اور ایران کے درمیان سیز فائر بدھ کو ختم ہونے جا رہا ہے۔ دونوں ممالک کے درمیان مذاکرات کا دوسرا دور اسلام آباد میں جلد متوقع۔ ڈونلڈ ٹرمپ کی مذاکراتی ٹیم کا آج اسلام آباد پہنچنے کا امکان، لیکن ایران تاحال فیصلہ نہ کر سکا۔ لائیو اپ ڈیٹس امریکی نائب صدر منگل کو اسلام آباد کا دورہ کریں گے: رپورٹ امریکی ذرائع نے ایکسیوز میڈیا کو بتایا کہ نائب صدر جے ڈی وینس منگل کو ایران سے متعلق مذاکرات کے لیے پاکستان کا دورہ کریں گے۔ جنگ دوبارہ شروع ہوئی تو ’تیاری‘ کر رہے ہیں: ایران ایرانی پارلیمنٹ کے سپیکر نے کہا ہے کہ اگر دو ہفتے کی جنگ بندی کے بعد لڑائی دوبارہ شروع ہوتی ہے تو ان کا ملک ’میدان جنگ میں نئے کارڈ دکھانے کی تیاری کر رہا ہے۔‘ ترامپ با اعمال محاصره و نقض آتشبس میخواهد تا به خیال خود این میز مذاکره را به میز تسلیم تبدیل کند یا جنگافروزی مجدد را موجّه سازد. مذاکره زیر سایهٔ تهدید را نمیپذیریم و در دو هفتهٔ اخیر برای رو کردن کارتهای جدید در میدان نبرد آماده شدهایم. — محمدباقر قالیباف | MB Ghalibaf (@mb_ghalibaf) April 20, 2026 پاکستان میں ہونے والے گذشتہ مذاکرات میں ایرانی وفد کی قیادت کرنے والے محمد باقر قالیباف نے ایکس پر لکھا ’محاصرہ کر کے اور جنگ بندی کی خلاف ورزی کر کے ٹرمپ اس مذاکراتی میز کو سرِ تسلیم خم کی میز بنانا چاہتے ہیں یا حسب منشا لڑائی دوبارہ شروع کرنے کا جواز پیدا کرنا چاہتے ہیں۔‘ انہوں نے کہا ’ہم دھمکیوں کے سائے میں مذاکرات قبول نہیں کرتے اور گذشتہ دو ہفتوں میں ہم میدان جنگ میں نئے کارڈ دکھانے کی تیاری کر رہے ہیں۔‘ اے ایف پی امریکہ کی میزبانی میں نئے اسرائیل – لبنان مذاکرات ایک امریکی اہلکار نے اے ایف پی کو نام نہ ظاہر کرنے کی شرط پر بتایا کہ سٹیٹ ڈیپارٹمنٹ جمعرات کو اسرائیل اور لبنان کے درمیان نئے مذاکرات کی میزبانی کرے گا۔ اہلکار نے کہا ’ہم دونوں حکومتوں کے درمیان براہ راست اور نیک نیتی پر مبنی مذاکرات کو جاری رکھیں گے۔‘ ہرمز کی ناکہ بندی معاہدے تک برقرار رہے گی: ٹرمپ صدر ڈونلڈ ٹرمپ نے کہا ہے کہ ایران کی بندرگاہوں کی امریکی ناکہ بندی اس وقت تک نہیں ہٹائی جائے گی جب تک تہران جنگ کے خاتمے کے لیے امن معاہدے پر رضامند نہیں ہوتا۔ ٹرمپ نے سوشل میڈیا ٹروتھ پر لکھا ’یہ ناکہ بندی، جسے ہم ’معاہدہ‘ ہونے تک نہیں ہٹائیں گے، ایران کو مکمل طور پر تباہ کر رہی ہے۔ ’وہ روزانہ 500 ملین ڈالر کھو رہے ہیں، جو ایک ناقابل برداشت رقم ہے، حتیٰ کہ قلیل مدت میں بھی۔‘ اسرائیلی حملوں میں 2387 اموات: لبنان لبنانی سرکاری ادارے نے نئے اعداد و شمار میں کہا ہے کہ اسرائیلی حملوں میں لبنان میں کم از کم 2, 387 افراد مارے جا چکے ہیں۔ ایران صدر ڈونلڈ ٹرمپ جے ڈی وینس دوسری جانب ایرانی پارلیمنٹ کے سپیکر نے کہا ہے کہ اگر لڑائی دوبارہ شروع ہوئی تو ان کا ملک ’میدان جنگ میں نئے کارڈ دکھانے کی تیاری کر رہا ہے۔‘ انڈپینڈنٹ اردو منگل, اپریل 21, 2026 – 06: 45 Main image:
پاکستان کے نائب وزیراعظم اسحاق ڈار اور فیلڈ مارشل عاصم منیر 11 اپریل، 2026 کو اسلام آباد میں امریکہ کے نائب صدر جے ڈی وینس کا استقبال کر رہے ہیں (اے ایف پی)
دنیا type: news label: لائیو اپ ڈیٹس related nodes: معاہدہ نہ ہو سکا تو جنگ بندی میں توسیع کا امکان نہیں: ٹرمپ کی بلومبرگ ٹی وی سے بات جب ٹرمپ گھنٹوں اپنے ساتھیوں پر چیختے رہے اور انہیں سچویشن روم سے باہر رکھا گیا پاکستان میں ایرانی ریال کی خریداری کیوں بڑھ رہی ہے؟ امریکی وفد کی قیادت کرنے والے جے ڈی وینس جو جنگ کے خلاف تھے SEO Title: امریکی نائب صدر منگل کو اسلام آباد کا دورہ کریں گے: رپورٹ copyright: show related homepage: Show on Homepage
